Алдынан жүздеген шәкірт тәрбиелеп шығарған ардагер ұстаз, ҚР білім беру ісінің үздігі, «Еңбек ардагері» медалінің иегері, ҚР Тарих және қоғамдық ғылымдар академиясының академигі Бақтыбаева Дана Әбікенқызы — қаламыздың қоғамдық, рухани өміріне атсалысып жүретін қадірлі жан.
Күні кеше ғана ардагер ұстаз тағы бір ұлағатты іс жасап, аудандық кітапханаға өзінің жеке кітап қорынан 80 кітапты тарту етті. Бұл — Дана Әбікенқызының жылдар бойы тірнектеп жинап, көз майын тауыса оқып, шәкірттеріне шашқан білім мен өнегенің қайнар көзі болған басылымдар.
Оны біз енді өз кезегімізде көздің қарашығындай қорғап, сақтап қана қоймай, оқырман назарына ұсынып, кітаптардың баға жетпес құндылықтарын насихаттайтын боламыз.
Кітап — қашанда адамның рухани досы, сырласы, жан тыныштығы әрі кемел ойдың кені. Осындай қымбат қазынасын оқырмандар игілігіне сыйға тартқан ұлағатты ұстаз, парасатты жан Дана Әбікенқызына айтар алғысымыз шексіз
