Клубтың жалпы міндеті – өз ауылымыздың жастарын, мектеп оқушыларын, жұмысшыларын қоғамдық және мәдени жұмысқа белсене қатыстыру болып табылады. Клуб жастар мен оқушыларды өзінің ықпалына тартып, олардың ақыл ойының дамып, қоғамдық өмірге, заман ағымына байланысты тұрақты көзқарастарын қалыптастыруға тиіс. Жастарды өте қызықтыратын тақырыптарға: патриотизм, ұлттық мақтаныш, отансүйгіштік, достық, адамгершілік жөнінде жастармен әңгімелер,кештер, кездесулер өткізіп отыруы керек. Клуб жұмысы мәдениет үйінің қызметкерлері және кітапханашысымен, мұғалімдермен, оқушылармен бірлесіп жүргізіледі.