Жас өркен клубы

Жарлы ауылы №4 филиал ауылдық кітапханасының жанынан құрылған «Жас өркен» қызығушылар клубының 2024 жылға арналған жылдық жұмыс жоспары

                                                 «Ана деген теңдесі жоқ ұлылықтың жолдары,

                                                       Әке деген мирас болар, ізгіліктің жолдары»

Мақсаты:

  • Клуб мүшелерін қазақ халқының ұлттық дәстүрлеріне байланысты жаңа кітаптар мен баспасөз бетіндегі жаңалықтармен, мақалаларымен таныстырып отыру;                                                                                        
  • Балалардың ойлау қабілеттерін арттырып, оларды өз ойын еркін айта білуге үйрету және білім алушылардың шығармашылық қабілеттерін дамытып, бос уақытын ұтымды ұйымдастыруға баулу.

Міндеттері:

• Балалардың бүгінгі таңдағы өміршең проблемаларды саралап, оны  талқылай білуге үйрету;

• Білім алушыны белгілі бір тақырыпқа ізденуге, оны ғылыми түрде баяндап беруге дағдыландыру;

• Жасөспірімдердің бойындағы өнерлерін дамыту арқылы жан-жақты жетілдіруге дағдыландыру;

• Мектепішілік іс-шараларға белсене қатысу;

• Балалардың жан-жақты табиғи, интеллектуалды қабілетін дамыту;

• Білім алушылардың арнаулы шығармашылық қабілетін айқындау, дамыту; 

• Жеке бастың өнегелік негіздерін, қоршаған ортаға адамгершілігін, қарым-қатынасын қалыптастыру;

• Жеке бастың үздіксіз жетілуіне рухани құндылықтарды дарыта отырып, ішкі қажеттілікті қалыптастыру;

Насихат:

  • Жастарға ұлттық  салт –дәстүр арқылы тәрбие беру.
  • Жүргізілетін жұмыстар негізінен ұлттық салт-дәстүрімізді қайта жандандыру. 
  • Әдемілікке, ептілікке, білімділікке, ибалыққа, инабатылыққа  тәрбиелеу.

Оқушыларды өз бетімен жұмыс істеуге үйретудің жолдары:

1. Жаңа әдістерді пайдаланып, балалардың қабілетілік, таланттылық, шығармашылық қасиеттерін неғұрлым толығырақ ашуға, олардың өзара қарым-қатынас жасауға қажетті ықпал ету.

2. Эстетикалық талғамын қалыптастыруға сеп болу.

3. Таным қабілеті, ойлау белсенділігі мен дербестігін ұштау,

4. Білім алушының  танымдық-шығармашылық қабілетін, ойлау белсенділігін дамытатын, өз жоба-жорамалын ұсыну, салыстыру негізінде дұрыс шешім табуға жетелейтін әдістерді пайдалану.

5. Балалардың дербестігін қолдану, өз көзқарасын еркін айтуға және ойын бейнелі, көркем айшықты де шешен оралымды пайдалана отырып жеткізуге баулу