Балдәурен клубы

«Балдәурен» әдеби – танымдық клубының ережесі

  1. Әрбір кітапхана оқырманы клуб мүшелігіне өте алады.
  2. «Балдәурен» клубының мүшесі міндетті:
  3. Кітапты сүюге және сақтауға;
  4. Кітапты кітапханаға уақытылы қайтаруға;
  5. Жолдастарын кітапханаға шақыруға;
  6. Өз дүниетанымын кітап арқылы кеңейтуге;
  7. Клуб жиналыстарына қатысуға.

Клуб мақсаты: Кіші жастағы мектеп оқушыларының кітап оқуға қызығушылығын ояту және бос уақыттарын кітапханада өткізуге талпындыру.

Клуб міндеттері:

  1. Балалардың оқырман ретіндегі шығармашылық мүмкіндіктерін ояту.
  2. Оқылған материалды тереңірек түсіндіре отырып, баланың өзіндік мүмкіндіктері мен ойлау қабілетін дамыту.
  3. Кітап оқу мәдениеті мен кітапты дұрыс ұстауға баулу.

Кітапханалардың клуб жұмысында ұстанатын негізгі бағыттары:

— Оқушылардың ана тіліне деген сүйіспеншілігін арттыру, өз тілін дұрыс меңгеріп, таза сөйлей білуге, ана тілін қастерлеуге тәрбиелеу;

— Оқушылар бойына халқымыздың рухани байлығын сіңірте отырып, ата дәстүрін ардақтауға тәрбиелеу;

— Адам бойындағы ұнамды, ұнамсыз қылықтарды ажырата отырып, әдеп әліппесін  бойына дарыту, тіл байлығын, таным-білімділігін арттыра отырып, әдептілікке, адамгершілікке, сыпайылыққа тәрбиелеу;

— Оқушыларды кітапты сүюге, оны күтіп, таза ұстауға тәрбиелеу, кітаптың адам өміріндегі аса маңызды рөлін түсіндіріп, кітапқа деген қызығушылығын арттыру;

— Оқушыларға салауатты өмір салтын насихаттау, қоғамды кері кетіретін жат қылықтардан аулақ болуға тәрбиелеу.